करिअर संसद: नामनिर्देशन प्रक्रिया
नामनिर्देशन प्रक्रिया:
करिअर संसद निवडणुकीसाठी उमेदवारी अर्ज भरण्यासाठी खालील प्रक्रिया अनुसरावी:
अर्ज सादर करणे:
- नामनिर्देशन अर्ज महाविद्यालयाच्या संकेतस्थळावर ऑनलाईन भरण्यासाठी उपलब्ध असतील.
- उमेदवारांनी पूर्ण भरलेल्या नामनिर्देशन अर्जाची प्रिंट काढून महाविद्यालयाच्या वनस्पतीशास्त्र विभागात जमा करावे.
- अर्जासोबत आवश्यक दस्तऐवजांचा एक समावेश करावा:
- ओळखपत्राची प्रत (महाविद्यालयाने जारी केलेले ID कार्ड किंवा प्रवेश शुल्क भरल्याची पावती)
- ७०% हजेरीचे प्रमाणपत्र (आपणास शिकवीत असलेल्या कोणत्याही शिक्षकाचे प्रमाणपत्र)
- करिअर कट्टा ओळखपत्र
अर्ज परत घेणे:
- अर्ज परत घेण्यासाठी, उमेदवारांनी प्रशासन विभागात लेखी अर्ज सादर करावा.
अर्ज तपासणी:
- निवडणूक विभाग उमेदवारी अर्जांची तपासणी करून योग्यतेच्या निकषांची पडताळणी करेल.
- अपूर्ण किंवा अयोग्य अर्ज फेटाळण्यात येतील आणि त्याबाबत उमेदवारांना लेखी सूचित केले जाईल.
अंतिम उमेदवार यादी:
- निवडणुकीसाठी पात्र ठरलेल्या उमेदवारांची अंतिम यादी महाविद्यालयाच्या नोटिस बोर्डावर आणि अधिकृत वेबसाइटवर प्रसिद्ध केली जाईल.
प्रचार कालावधी:
- निवडणुकीतील सर्व उमेदवारांसाठी एक बैठक आयोजित केली जाईल ज्यामध्ये निवडणूक प्रक्रिया, आचारसंहिता, आणि प्रचार नियम स्पष्ट केले जातील.
- प्रचारासाठी प्रत्येक उमेदवाराने एक स्वत:चा आपले मत, उद्दिष्ट्य, व्हिजन आणि मिशन सांगणारा आवाहन करणारा व्हिडीओ तयार करावा व निवडणूक विभागात सादर करावा. हा व्हिडीओ संबंधित वर्गाच्या ग्रुपवर विद्यार्थ्यांसाठी पाठविण्यात येईल.
- प्रचार करताना महाविद्यालयाच्या आचारसंहितेचे पालन करणे अनिवार्य आहे. कुठल्याही वर्गात अथवा महाविद्यालयात विद्यार्थी प्रचार साहित्याचे वितरण प्रदर्शन करणार नाहीत.
ऑनलाईन निवडणूक प्रक्रिया:
करिअर संसद निवडणुकीची प्रक्रिया ऑनलाईन पद्धतीने गुगल फॉर्मच्या माध्यमातून राबविण्यात येणार आहे. या प्रक्रियेत सहभाग घेण्यासाठी कृपया खालील सूचना वाचून लक्षपूर्वक पालन कराव्या.
- ई-मेल आयडीची आवश्यकता: निवडणूक प्रक्रियेत सहभाग घेण्यासाठी विद्यार्थ्यांनी त्यांच्या नियमित आणि प्रवेश प्रक्रियेत नमूद केलेल्या ई-मेल आयडीचाच वापर करावा. या ई-मेल आयडीचा वापर निवडणूक संबंधित सर्व माहिती आणि मतदान प्रक्रियेसाठी होणार आहे.
- ई-मेल आयडी सत्यापन: विद्यार्थ्यांनी त्यांचा ई-मेल आयडी तपासून खात्री करावी की तो नियमित वापरात आहे आणि त्यावर निवडणूक संबंधित सूचना प्राप्त होऊ शकतील.
- गुगल फॉर्मद्वारे मतदान: मतदान करण्यासाठी महाविद्यालयाच्या अधिकृत गुगल फॉर्मचा वापर करण्यात येईल.
- मतदान: मतदानाचे दिवशी नियोजित वर्गखोलीत आपणास वेळेवर पुरविण्यात येणाऱ्या लिंकद्वारा आपल्या व्यक्तिगत नियमित आणि प्रवेश प्रक्रियेत नमूद केलेल्या ई-मेल चा वापर करून मतदान करायचे आहे.
- विद्यार्थ्यांना निर्धारित कालावधीतच मतदान करावे लागणार आहे. त्याकरिता वेळोवेळी जाहीर केल्या जाणाऱ्या सूचनाची नोंद घ्यावी.
- मतदान प्रक्रियेत विद्यार्थ्यांना फॉर्ममध्ये दिलेल्या सूचनांचे पालन करावे.
- एकदा मतदान झाल्यानंतर ते अंतिम मानले जाईल आणि कोणतेही बदल करता येणार नाहीत.
- गोपनीयता: विद्यार्थ्यांचे मतदान गोपनीय ठेवले जाईल. मतदानाची प्रक्रिया पारदर्शक आणि निष्पक्ष राहील याची दक्षता प्रत्येक मतदाराने आणि उमेदवाराने घेणे अनिवार्य आहे.
